تقويه عضله الإراده

يمكنك تمرين نفسك على الالتزام وقوه الاراده وزياده ثقتك بنفسك 
عن طريق دخول تحديات صغيره ومتنوعه لا يهم  ستستمرى او لا 
تلك التحديات على بساطتها ومدتها المحدودة او المستمره 
سترفع تقديرك الذاتى 
حيث انه فى جزء ما فى صورتك الذاتية او انطباعك الشخصى عن نفسك 
انا قادره على النجاح لقد نجحت فى عدة تجارب سوف أكون قادره على التحديات الأكبر 
امثله على تحديات صغيره 
أولا
تأجيل مشاهده صفحات التواصل الاجتماعي لما بعد اتمام مهامك اليوميه 

ثانيا 
لعب الرياضه لمده ثلاث أسابيع مرتين ف الأسبوع 
ثالثا 
مقاطعه الغيبه والنميمه لمده ثلاثه ايّام 
رابعا 
مقاطعه المسكنات لمده اسبوع 
خامسا 
الامتناع عن السكر المصنع لمده اسبوع 
سادسا 
اللعب مع اولادى ١٥ دقيقه يوميا لمده اسبوع 
هكذا لا تترددى فى ان تحعلى المده قليله 
او التحدى بسيط 
ابحثى عن نقاط ضعفك واثبتى لنفسك انك قادره على التغيير 
وخلال تحدياتك تلك سجلى ملاحظاتك ما الذى جعلك تخسرى التحدى  لبعض الوقت 
هو انا لسه هسجل 
هرجع تانى واقولك التغيير مش سهل بس ممتع لو انتى اخدتى القرار وقررتى تركزى على نفسك 
وتطلعى منك افضل نسخه وتستمتعى بحياتك بعيد عن الندم 
وضياع العمر فيما لا ينفع بل وقد يضر 
دمتى بطلة حياتك 

رسالتى لنفسى

رسالتىلنفسىبخصوصشغفىوحياتى 

لاتجزعىياصغيره 

الهوايهوالشغف والحياه تحتاج

مثابرهواستمراررغمالصعوباتوالتعليقاتالسلبيهوالإحباط 

ليسهناكناجحبدونتعبولحظاتضعف 

اقرأىكتاب 

وراجعىأهدافك 

احتاج ان اتعلَّم اكتر ان أتدرب اكثر لاصبح اكثر قوه واتزان 

فهكذا هو الوعى والاتزان مستوى بيسلم مستوى 

صلىوادعىبيقينلربكاسجدىواقتربىكماقالربكواطلبىمناللهالمستحيل 

وعاودىالاجتهادوالمثابره 

لاتقلقىياصغيره 

اشترىلنفسكحاجهحلوهاىحاجه🌱🌱

قومىصلى🍃🌾💚

خشوع

الأيام فضلها كريم وعظيم
اعبدى الله فيما اقامك
سمعت كذا داعيه بيتكلم عن اجر
رعايه الابناء ومداعبتهم اه والله اللعب معاهم والصبر عليهم اقتداء برسولنا الكريم ص
يعنى شد الطرحه ف الصلاه وطلوعهم ع ضهرك طالما مش بيعيطوا ومحتاجين حاجه انتى كدا بتعملى زى ما سيدنا محمد ص
كان بيعمل مع الحسن والحسين
سيبتى الصلاه لانك مش مركزه وقعدتى تلاعبيهم وتهتمى بيهم
برضوا عباده ورحمه ولطف وشكر للنعمه
احنا بس ما اتعودنا نستحضر نوايا
العباده بس ف الصلاه ونريح دماغنا
حتى لو انا مخنوقه ومتنرفزه من اولادى او بفكر ف سبعتلاف حاجه ضرورى ومن واجباتى اعملها
البيت مكركب وبنتخانق ع الفطار
او انا بحضر متاخر فبتعب وابقى عصبيه وأقول العيال او أسلوبه وتعليقاته
نيه ان النظافه من الأيمان
وحسن التبعل لزوجك بما يحب
وإطعام أطفالك
وإفطار صائم
والدعاء عباده ادعى الله من فضله ف الدنيا والاخر  خصوصا الثلث الأخير من الليل والاستغفار وقت السحر
وبدال ما نهرى ونفكر وانا بشتغل ف اللى حصل واللى فات
او ما اعرف اسمع محاضره ولا درس دينى من زن العيال وطلباتهم
اذكرى الله واقرى معنى وفضل الذكر
وانتى بتشتغلى ان شاء الله يكبروا وتسمعى وتصلى كتير واحفظى قراءن لما وقتك ومجهودك واولوياتك تتغير
احنا مش بنعبد ربنا علشان نستمتع احنا مسئولين وف رقبتنا رعيه وزوج وصحه هتسأل عليها امام الله
المرونه مهمه جدا وتطويع النفس ع استحضار النيه قبل ما اعمل اى حاجه مهم جدا بل من اهم المهارات  اللى لازم نكتسبها كمسلمين
ان يكون كل عملنا خالص لله رب العالمين
الشيخ عمر عبد الكافى ذكر حديث ما معناه
ان الزوجه فى بيت زوجها وحسن معامله ورعايه زوجها وبيتها لها اجر المجاهد ف سبيل الله
انتى لما تستحضرى النيه وتجتهدى تبقى زى اللى بيحاربوا ف سبيل الله وهتتساوو ف الجنه دا ان صدقنا نيتنا
لو لقيت الروابط هجبها ان شاء الله لأجر العمل ف المنزل والذكر
ربنا يبلغنا جميعا ليله القدر ويجعلنا من المقبولين
وينور بصيرتنا ويرزقنا المرونه والفهم والصدق
( دا لا يعنى ابدا عدم المحاوله والاجتهاد ف النوافل  والحفاظ ع الفرائض لانها تيجى قبل اى حاجه ف الحياه خصوصا الصلوات ع وقتها يعنى دا مش مبرر لتأخيرها لان اىً حاجه ممكن تتساب ونكملها بعد الصلاه
لا بارك  الله ف عمل أجلت من اجله الصلاه )

مجرد فكره

فكره 💡
اختارى مجال انتى فاشله فيه فشل ذريع
(مجال واحد بس )
ومأثر ع حياتك بالسلب  
وقررى تكونى خبيره فيه 
ادرسى وابحثى عنه 
مواضيع مقالات كتب كورسات وطبقى 
لمدة سنه  
ابدأى بالأسهل باللى يحسّن منك كإنسان  هيتحاسب على حياته وعمله  
ادونا اقتراحات كمجال بحث

اليوم المثالي

فكره اليوم المثالي 
هو ايه شكل يومك المثالي 
ارسميه او اكتبيه كدا 
وجربى تعيشيه 
يومك انتى اللى لو سرحتى. هتحلمى بيه 
بحد بعيدا عن المثاليات 
والمفروض. والصح 
انتى دماغك على وضعها كدا هتطلع ايه 
...........
بما انه مثالى ف خيالك 
جربيه 
وشوفى حققلك سعاده 
ولا نكد عليكى لاى سبب 
......،،،
اعملى تعديل 
احذفى. وضيفى 
عدلى وبدلى 
..... وجربى 
وعدلى 
ادرسى نفسك وعالجيها 
ركزى معاها صاحبيها 
وحسنيها بالاعتناء 
مش بالإهمال  
روحك هتنطفى ومحدش لا هيرحمك. ولا هينفعك 
هتستحملى النتايج فى الدنيا والاخره. لوحدك 
......،
جربى حاجات مختلفه 
جربى تغيرى تفكيرك على أنه مغامره حاجه مجنونه لو انتى مش مقتنعه رغم انهم بيقولوا ان دا الصح 
غيرى تصرفاتك 
حسى  بالوقت 
المسى حياتك وتفاصيلها 
اللى رايحه ف زحمه التفكير 
مرنى نفسك بالتدريج 
لحد ما تحسى بلحظه 
وتعيشيها 
........،
كان ممكن ابدا كلامى وأقولك انتى الملكه انتى النجمه انتى تستحقى
بس دا كلام شحن فارغ 
وبالنسبالى بارد ومستهلك 
💡اعملى اللى يخليكى تستحقى اللقب👉🏻 

بلاش  شغل البارنويا دا 
السعى واجب مش رفاهيه 
انك تكون أنثى افضل بتعرف تهتم بنفسها 
وتتفاهم مع اللى حواليها صح 
تكون أقوى داخليا 
دا واجب 
عليكى  كعابده لله وأنها ف عصر  الفتن 
كام ف رعيتها اطفال  فى نفس العصر
ربنا  يصلح أحوالنا جمعيا 
❤️❤️❤️

ثمن الوعى

تمن الوعى ثمن الفهم 
صعب لو تعلمون 
لو ف حد جرب يحاول ويجتهد ف الارتقاء بنفسه وتعليمها وتهذيبها (رحله تعليم مستمره بالمناسبه مفيش قمه مشوار سعى ومستوى بيسلم مستوى )
تمن الوعى دا انك بتكون صاحى اغلب الوقت 
متحمل المسئوليه شبه كامله عن الأحداث الخاصه بيك 
مفيش رفاهيه لوم وعتاب الآخرين  ولا رفاهيه دور الضحيه 
ايوه حصل خذلان حصل ظلم حصل أساءه حصل اللى حصل
بس انا المسئول المفروض اعمل ايه 
لحظات الضعف مش بتنتهى السقوط مش بيتوقف 
بس الفرق فى الحضور  فى المده الزمنيه وتأثير دا على حياتك ومسئولياتك الحقيقيه 
انا موجوع من اللى حصل واللى مريت بيه 
او فيه بقايا وترسبات 
فيه بقع كدا بتحتاج كذا غسله علشان تنضف 
ولانه رفاهيه انى أغير القطعه المبقعه اصلا 
مش سهله وتمنها غالى 
الوعى بيحطك أوتوماتيك فى مرحله الصبر مش العجز 
بس بتعرف شويه حاجات بتريح بتصبر سميها زى ما تسميها 
هتعرف شويه حاجات أهمها 
مش كل المشكلات ليها حل جذرى 
فى مشكله جهلك فيها هو الأصل 
وفيه مشكله الأصل فيها الكبر الايجو زى ما تسميه 
((انا ينقصنى كذا انا يحصلى كذا انا اتعامل كدا 
انا أتنازل واتعلم كذا ))
وفيه مشكله الأصل فيها فعلا الاخر 
بس حلها اما البتر او التقبل والرضا 
بين البينين دا وجع قلب وهلك ع الفاضى لا مرتاحه ولا ريحتى ولا حد هيريحك  
فيه مشكله اصلها إطلاق النظر لما عند الناس او اللى خيالك هيألك انو عند الناس  وهكذا 
وحل كل المشاكل على اختلاف انواع الحلول يكمن فى التركيز فى حالك تحمل المسئوليه الصدق كدا ونبطل نعالج العرض ونسيب المرض نتحمل مسئوليه حياتنا صح 
السكه مش سهله بس مستاهله ما تحرميش نفسك منها 
الصوره وبوست شيما بتاع معادلات الحياه الحقيقيه 
دا 

محتاجين صدق مع نفسك 
ليه مش صح حد يحطلك قوانين وخطوات لانك ادرى الناس بنفسك  بس انا معنديش وعى كفايه او مش فاهمه حاجات كتير حلى على اد مستواكى وحاجتك وفهمك واستيعابك لوضعك بعد قراءه او تعلم اى شئ كدا هتطلعى للمستوى الاعلى وانتى متأسسه صح وعلى مهلك استعينى بالله ولا تعجزى ربنا كريم اوى جربى مره  والف  
بس كدا
https://m.facebook.com/groups/662085303841600?view=permalink&id=2465782370138542&ref=m_notif&notif_t=feedback_reaction_generic موضوع شيما

التدرج

بعض الناس بتحسسنى انها بتتعامل مع العادات
والأهداف كأنها منهج ثانوية عامله يلا  نلمه قبل الامتحان
احنا بشر
دا الإيمان شوف الإيمان
يا مؤمنه يزيد وينقص
طيب مانا بحس بإحباط
الاحباط دا جهل
جهل بطبيعتك كإنسان
فطرته النسيان
طيب يعنى اعمل ايه
سمر قالتلى حاجه حلوه جدا عن حفظ القراءن
لما نرجع نحفظ حتى بعد انقطاع او نسيان
نبدأ من حيث انتهينا
ونراجع ع اللى انا حفظته قبل حتى لو نسيته
يعنى أحطه ف خانه المراجعه مش الحفظ الجديد
دا مهم جدا للاستمرار والانجاز
نفس الفكره ف العادات
لو حد التزم بالرياضة سنه ونص
وانقطع اكتر من سنتين
لظروف كسل او ظروف صحيه
(حاله متطرفه ولكن موجوده )
لما ترجع تمارسى تانى
هترجعى  فقط لما تطلعى من  خانه التأنيب وتقطيم نفسك ع الوقت اللى ضاع
انتى  already
بتضيع ف الوقت وانتى بتفكرى  كدا
خلاص اللى حصل ونكمل
الفاصل هنا تجربتك السابقة
هتساعدك جدا ترجعى وتبدأى أسرع من المبتدأين
لما دماغك تجبلك ملف التأنيب بصوت عالى قولى لنفسك
خلااااص اللى حصل حصل
هحسن النهارده
الحمد لله انى النهارده  فوقت وعملت إنجاز اللى فات مات
كفايه  كلام سلبى مش مفيد
بصوت عالى  اسمعى صوتك
الكلام بسيط  وفعال بس بنقوله للناس ومش بنقوله لنفسنا
طيب ولو وقعت تانى
ابشرى
هتقعى كتير
انتى بشر
بس الحلو ان فترات السقوط بتقل مع كل مره
واللى بيقللها رحمتك بنفسك
وتفكيرك ف النهارده
انهرى  نفسك بصوت مسموع عن أذاها
بالتأنيب  والتخاذل
لا امبارح ف ايدى ولا بكره احسن النهارده
قولى كل الكلام دا لنفسك
ادعى ف سجودك بالتوفيق ف اللى بتسعى ليه
لانه المفروض هيخلق منك صوره افضل
وتقربك لرضا الله
انتى أقوى شخص ممكن يحفزك
دى من مهارات التحكم ف الأفكار والمشاعر
مش معقول مش عارفه تتواصلى مع نفسك
وبتدورى  ع تواصل سليم مع الآخرين
#يمكن_يطرح_ذكاء_عاطفى

تابعى قدوه صح

اللى بنحبه ونتابع أخباره بنقتدى بيه بنمشى على خطاه 
بنحاول نعرف عن حياته وعاداته وكل ما عرفنا كل ما حبيناه 
احنا بنعمل دا مع ناس ومشاهير كتير كل واحد وثقافته وطبقته الاجتماعيه والثقافية ولكن الناس دى بشر عاديه تخطأ وتصيب عادى وخطا اصلا التعلق الزائد دا 
بس اللى حقيقى المفروض كلنا كمسلمين نعرفه ونقرب ونفهم ونقتدى ونقلد ونحبه احاديثه وصاياه دعاءه عاداته متى غضب ومتى فرح كيف حزن وكيف استغفر الى اخره 
من بعثه الله لنا رسولا واصطفاه وكرمه وعلمه 
محمد بن عبد الله صلى الله عليه وسلم 
اللى عنده كتب ومصادر سهله وبسيطه او أحاديث مؤثره يشاركنا تحت الهشتاج او هنا براحتكم 
نقرب منه ونقرب أولادنا  منه صلى الله عليه وسلم

ضرر حياه وصور الأخرين والاطلاع عليها

https://youtu.be/Iax4Ch3W4sU

ما تتفرجوا كتير ع صور الناس ولا صور المشاهير مهما كان وعيك هتتأثرى سلبا ركزى ف حياتك والحلو اللى فيها  ما اعتقد حد كتير هنا مهووس بمتابعة المشاهير ولا صور السوشيال ميديا بس كتير مشغول بحياة الآخرين للاسف مهما قولنا مفيش حد مثالى مفيش حد عايش حياه سهله بدون تحديات وصعاب مع نفسه وعقده او مع الآخرين 
مش هتقتنعى فالأسلم تجنبى إطلاق النظر ف حياه وما هو ظاهر من حياه الآخرين قريبيين كانوا او بعاد 
احمى نفسك من نفسك بس كدا 
دمنا كلنا كويسين وبنراجع نفسنا ونتوقف عن فعل الأشياء والعادات الضاره

موسم الوجع

معرفش موسم وجع اليومين دول ولا ايه 
 الم الخذلان الم النقد الم عين لا ترى سوى السئ الم ناس متعرفش تقول كلام حلو سواء أهل زوج أصدقاء أيا كان 
بس رغم كل دا انا مؤمنه جدا بانك  
تحملى مسئوليه ألمك وحياتك وما تعيشى مقهوره عيشى متقبله 
راضيه بقضاء الله 
صابره ع كتير بس بمزاجى دا بالنسبه للبشر 
ما تقعدى تاكلى ف عمرك ف الحزن والالم 
من زمان كنت عايزه أتكلم ف ازاى نبنى صوره ذاتيه قويه وايه أهميتها واهميه اهتمامك بصحتك 
يعنى حتى عدم تركيزك ع الالم من باب خوفك ع صحتك مهو محدش هينفعك لما تروح هما رحموكى وانتى بصحتك لما هستنىهم لما تروح 
الحلقه دى لمصطفى حسنى فيها عناوين مهمه جدا وتجربتها فعاله جدا بس عايزه إنسانه قويه و نفس عزيزه 
حكمه ف إدارة الأمور ونحط كلشهات الأفلام ع جنب كدا وننزل ف محطه الواقع 
بيتكلم ازاى نتعايش وندير الالم 
هتكلم ف نقطه واحده والباقى اعتقد سهلين 
📌تكوين صوره ذاتيه ناجحه 
لو هو بينتقد ولسانه بينقط سم 
لو وقفتى ع شعرك مش هيرضى هو تربيته او سوء طبعه او أيا كان السبب مش موضوعنا 
اعملى واتقنى الأشياء ابتغاء لوجه الله 
لدعم ثقتك بنفسك 
لحمايه بيتك والحفاظ عليه وع اولادك وتسهيل حياتهم 
ما تعمليش علشان نظرة رضى من عين لا ترى سوى النقص 
اعملى لنجاحك لرضى ربك لاحترام لنفسك وشخصيتك 
حتى احترامك لأولوياته ف الحياه ع قدر طاقتك 
من باب انك زوجه هتسأل امام الله 
قدمتى ايه فيما أقمتك كزوجه 
وطبعا بدون افراط ولا تفريط 
تخلصى من عيوبك 
وخليكى رحيمه بنفسك و صريحه 
الكائن او الكائنات القاسية دى فيهم نقص جواهم 
وللأسف مش هتعرفى تلتمسى اعذار ولا تتقبليهم بعيوبهم ومميزاتهم الا لما تكونى صورة ذاتيه لنفسك قويه  ولا حتى تعرفى ما تتأثرى بشكل كبير بآرائهم اللى عند مرحله معينه من القوه الحقيقيه 
شيما اتعلمت منها حاجه قد تكون اهم حاجه اتعلمتها 
انك ما تبحثى عن حل وتسكين الموقف الحالى لا حلى اصل وأساس المشكله 
يبان يخوف وانا مستحيل اعرف اعمل دا وهاخد وقت 
لا هو لا مستحيل ولا صعب هو محتاج وضوح رؤيه وصبر واصلا كلها افعال بسيطه 
أدومها وان قلت 
بحس ربنا بيعجل بإجابة الدعاء او تدبير الامر ع افضل الخيارات  لما بنجتهد ف السعى ف الطريق الصحيح (احساسى )
ابذلىhttps://youtu.be/ERpKHdSxKxU جهد ف الاتجاه الفعال وادعى واستعينى بالله 
وحقيقى كل الناس بلا استثناء اكاد اجزم وإلا وفيهم حته وجع قديمه او جديده او لسه جايه مهى دار بلاء 
بس اللى بيفرق واحد عن التانى هو كيفيه إدارة الالم دا 
وبس دمتم كويسين
https://youtu.be/ERpKHdSxKxU

تجربة شخصيه

#فكره_وتطبيقها
أنا عايشه بره لوحدى بعيد عن الأهل 
بخاف جدا من حاجات كتير قد تكون تافهه
فلكم ان تتخيلوا مدى خوفى وانا داخله أولد لأول مره او تانى مره  ومفيش حد معايا قريب منى عاطفىا يدعمنى  (وانا حد بتطلب معايا دعم اوى ف الحالات دى) مفيش خبره تهون الموضوع 
ف اول مره كنت رايحه كنت ف قمه رعبى 
كان معايا الجزء التاسع اخر ايه فيه 

وَمَا كَانَ اللَّهُ لِيُعَذِّبَهُمْ وَأَنتَ فِيهِمْ ۚ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ (33)ساعتها   قراتها بيقين وخشوع وتوجه الى الله ادركت ساعتها فعلا مفيش غيره سبحانه ما جعل حد سبب وحده موجود طيب فيه افضل من كدا 
كميه الراحه والسكينه اللى حسّيت بيها لدرجه البشر والحماسة انى أخوض التجربه 
من ساعتها وانا اى امر بخاف منه  بستغفر على ما اتذكر وما قد أكون  نسيته من ذنوب او استحضر طلب الاطمئنان من الله فى قلبى بفضل الاستغفار 
تبدل الحال من قمه الخوف الى السكينه كان تجربه قويه جدا لايكمن أنسى فضل الذكر وتأثيره 
#تانى فكره 
كانت مقوله بتقول ••فى بعض التخلى حياه ••
انا حد بيرتبط جدا بالأشياء والأماكن 
ودا كان بيعمل ازمه لانى لو اتمنيت شئ معين او حتى خروجه معينه سفريه ما 
بتعلق بيها جدا 
وما اكثر إلحاجات اللى اتقال عليها لا 
او ما حصل توفيق 
ربنا لسه ما اذن بالتحقيق 
اتعلمت أتخلى عما فى ايد غيرى تحقيقه او ف ايدى  لو صعب تحقيقه مع السعى
كسرت سقف توقعاتى من البشر اصلا 
دى حاله كئيبه  جدا لوحدها كدا 
اللى عمل التوازن 
بقيت اطلب من ربنا انه يرزقنى بالشئ او الحاجه مش من الناس 
تانى حاجه بقيت استغل واهتم باللى ف ايدى افضل استخدام اواجرب بدائل متاحه   كنوع من الاحسان وشكر النعمه 
(ولئن شكرتم لازيدنكم)
طلعت بنتيجتين 
الاولى انى بقيت صابره وراضيه باللى ناقص بسعى بدون جزع جت خير وبركه ما جت خلاص استغنيت 
التانيه فى حاجات بتتيسر  بدون قصد منى او إلحاح 
خصوصا فى طبعى وخصالى انا 
دا طبعا مش باستمرار بس بتنقذنى من الانهيار بسبب الطبع القديم لان اثره أكيد لسه موجود مع شويه عيوب تانيه بتدعمه

كيف تكون تلك الزوجه غبيه

ما هى مواصفات الزوجه الغبيه ؟

هل هى مسبه (شتيمه يعنى )
لا هو  توصيف حاله بشكل مجرد 
كيف تكونى زوجه غبيه 
١.تصرى على نفس الاسلوب رغم سوء أحوالك 
هلا راجعتى نفسك فيما لو كنتى انتى المخطئة 
وليس ذلك الشيطان الأزرق زوجك 
هلّا توقفتى عن إلقاء التهم والبحث عن الشماعات .

٢- تجعلى من ذلك الشيطان الأزرق  كعبتك 
وَياليت انشغلتى كيف تسعديه وتستمتعى معه 
بل ماذا قال وماذا فعل من اربع سنوات 
وماذا قالت امه وبماذا هذت اخته 
وكيف نظر لتلك وكيف اعجب بهذه 
وكيف كان رده السخيف المعتاد والمعاد على رأيه ف اى شئ سالتيه عنه 

٣-  تدمر سلم الأوليات 
انتى ف المقام الاول ليس معناها ان  تعلنى الحرب على زوجك وأولادك 
انتى ف المقام الاول بصحه جسديه ونفسيه على قدر المستطاع وتعلم الجديد والاعتراف وتصحيح أخطاءك وليس مناقشتها لا احد لديه وقت يسمع نحيبك وشكواك المتكرره فكلنا يا عزيزتى لدينا دفاترنا المعبئه بالالم فضعى دفاتر احزانك ف اقرب حاويه او صندوق 
وانهضى 
نعود لكونك ف المقام الاول 
ما الهدف منه 
ان تكونى فى افضل حال جسديا ونفسيا حتى تصيرى 
امه لله خاشعة هادئه حاضره معظم الوقت 
زوجه تسر عينه 
ام تحتوى وتشبع اولادها عاطفيا قبل اى نوع من الإشباع 

٤- ان تنشغلى بما لا يخصك ولا ينفعك 
كنشغالك بمشاكل زوجه اخيك مع أمك 
ان تقدمى اكثر ممما ينبغى من وقتك ومجهودك للأهل والاصدقاء انتى زوجه وام ضعى ذلك قبل اى شخص 
لن تكبرى ف العمر  وتعيشى شيخوختك الا مع زوجك وأولادك من بعده 

٥- صدقا انا لا احب الرجال ولا الحديث عنهم 
ولكن ان تركز الزوجه على عيوب زوجها لدرجه انها تعمى عن مميزاته وتطلق النظر ف المقارنات فيما هو ظاهرى  فقط لهو فرط غباء 
وكما قال الدكتور مبروك ( السوق وحش يا بنت )
فكلنا ولا سيما الرجال لا يوجد بينهم بطل روايه 
بل لكل منهم سواده وبياضه عيوبه ومميزاته 

اخيرا جميعنا لدينا  أوقات غباء وسوء تصرف واخطاء 
فما علينا الا ان نتدارك أخطاءنا  ولا نصر عليها 
فهذه ليس لنلوم أنفسنا ونجلد ذواتنا بل فقط لننتبه

كانت معكم نهال من ع كوكب زمرده 🍡🍬🍬🍡🍡

يعنى ايه اتعلَّم من اخطائى اعملها ازاى دى

بنستعجل نسامح ونصفى ونخف 
محدش بيعرف يصبر ويهدى ويتقل 
دا الرز بيتقلوا عليه علشان يستوى 
احنا نقطع بعض ون ومستنيين ننسى ونبطل نتألم بسرعه الضوء والادهى نفضل نهرى مع الطرف الاخر وبدال ما كان لينا حق تحولنا للعكس  وعليكى واحد وصلحى بقى اللى عملتيه  وبتصدق بالمناسبه وتتنازل وتتوه  من نفسها وتبقى مسخ مش عارفه هى عليها حق ولا صاحبه حق.
والحل ؟؟! 
ورقه وقلم يا ست الكل 
خدى وقتك تهدى وحددى انتى عايزه ايه
 وهتعملى دا ازاى بمعنى 
 هتتعلمى ايه
 وهتبطلى تعملى ايه 
انا ساهمت ازاى ف اللى حصل 
كل الجمل واللى المفروض تركزى علي نفسك نفسك وبس مش الاخر خالص 
زى ما الجمله الشهيره ما بتقول نتعلم من الأخطاء
كدا نبقى بنتعلم من الأخطاء بشكل عملى 

حياه بسيطه ٢

#حياه_بسيطه
المفروض فردنا واكتشفنا احنا محتاجين ايه فى قسم اهتمامى بذاتى  الأسبوع الللى فات 
الأسبوع دا هنركز ونعمل حرد وبحث عن احتياجات #اولادنا 
لو انتى بالفعل عندك خطه ومنهج ماشيه عليه مهم تراجعيه وتشوفى ايه اللى وصلتيله معاهم من هدفك 
يعنى عملية تقييم وجُرد 
طيب لو مش عامله حاجه خالص وعندهم مشاكل
هاخدهم واحد واحد 
واشوف هو فى اى مرحله سنيه 
او مشاكله وايه المفروض يتعلمه فى السن دا 
والمفروض انا أعامله ازاى وايه متطلبات السن دا وطريقة تفكيره 
بسيرش بقى على جوجل 
او دورى فى صفحات الاطفال المهمه 
كل دا فائدته ايه 
هيخليكى اهدى لانك هتستوعبيهم 
هتحددى أنشطه مناسبه مش ممله لسنه بدال خناقات الفون والتابلت واليوتيوب الكتير 
هتعرفى ان طبيعة سنه كدا هو مش بيستفزك  ولا مستفز دا طفل بيتعرف على حاجات كتير وله حاجات بيليها على اد معرفته
كل طفل بقى عندى سجل ارجعله وتقيمه كل فتره 
وعندى منهج ماشيه عليه مش بخبط 
نقطه اخيره 
ابنى مش زى ابن حد كل طفل وله قدراته ومراحل تطوره ما تقارنى ولا تسمحى بالمقارنة اصلا 
نقطه مهمه جدا 
الدعاء للاولاد ادعى كتير ليهم بالبركة والهدايه والصحه والرزق والتوفيق والصحبه الصالحه تصدقى ليهم 
سمعيهم دعاكى ليهم  احنا مش بنربى دا سعى والتوفيق والسداد من عند ربنا 
اللى عنده اقتراح استفاد منه يكتبه ف الكومنتس 
صفحه او كتاب تربيه او تجربه ناجحه

حياه بسيطه ١

#حياه_بسيطه
هنطبق معلومات معانا بالفعل 
او هندور على اللى محتاجينه ونبطل نضيع وقت كبير 
من غير فايده بمعنى 
دا أسبوع  جانب الاهتمام بالنفس 
انتى محتاجه اى نوع رياضه 
محتاجه تقرأى عن ايه 
ورد القران هيكون كام صفحه 

جسمك بشرتك شعرك ايه مشاكلهم وايه الماسكات اللى متوفره ومناسبه ليكى 
قدام كل عنصر من دول هتكتبى المعلومه اللى هتطبقيها لو عارفاها 
اما لو مش عارفه اعملى سيرش اى اسألى 


تعديل 
اقرى البوست مرتين 
اعتبريه تحدى استمرى عليه أسبوع اكتر اقل اعتبريها تجربه. احنا مش هنحل مشكله الكسل دلوقتى احنا هنشتغل  دلوقتى ونحاول  نبسطها علشان نعرف نعمل خريطه مفصله لنفسنا ترجعليها وقت ما ترجعيلها 
كملتى او لا هيعتبرها تجربه خوضتيها 
 هتفرق تجربتك فى تقديرك الذاتى ومعرفة قدراتك هتكون معاكى  خبره  هتساعدك ترجعى اسرع. اشتغلى واقعى زى ما تقعى كتر التجارب والمحاولات هتغير منك ما تقلقيش  فبلاش تشاؤم فكرى ف النهارده بس 
اكتبى. يلا لو الجانب دا ما عندك فيه روتين واضح او محتجاه 

هرمونات التحفيز وكيف تحصلى عليها كأمرأه

الذكاء العاطفى وهرمونات التحفيز 
بيحتوى  الذكاء العاطفى على اربع محاور
فهم الذات 
التحكم فى الذات 
تحفيز الذات 
التعاطف والمهارات الاجتماعيه 
تحديدا هتكلم عّن التحفيز اللى لازم قبله نكون قبله فاهمين ذواتنا  وبنعرف نتحكم فيها 
اشمعنا التحفيز وليه المتزوجات غالبا ما عندهم حاجه تحفزهم ع الحياه والمواصلة مفيش لياقه نفسهم قصير 
كان فيه مقال بيتكلم عن ضرورة ترتيب الالولويات 
فى حياة المتزوجه تحديدا 
فى وجهة نظرى الاولويات كدا 
١/علاقتك مع الله فى البدايه لانها أساس علاقتك بذاتك ومعرفتك وشغلك عليها (علاقتك بنفسك)
٢/ علاقتك بزوجك لانك ولأنه تزوج علشان يلاقى زوجه وتلاقى زوج موده ورحمه مش طبخ ومسح 
٢/اولادك ثم الأهل ثم الأصدقاء واى حاجه تانيه 
طيب اجيب منين اللياقه لكل دا ف غياب زوج داعم وودود 
فى عندى حاجه فى دماغنا اسمها هرمونات او مواد السعاده زى الدوبامين والاوكسيتوسن والسيرتونين 
الدوبامين بيفرز عند وضع هدف معين والسعى اتجاهه 
السيرتونين بيفرز عند التفكير فى اهميتنا للآخرين والسلطه 
الاوكسيتوسن لما يكون فى علاقات جيده وعلاقات حب ف حياتنا 
طيب فين غلطه المتزوجات بتخلى الزوج هو المصدر الرئيسى والوحيد للتلاته وبتلغى من حياتها اى مصادر تانيه 
١ -يعنى مهامك اليوميه  اللى مكدره نفسك بيها خليها هدف تنضيف البيت والصلاه ف وقتها كورس مهم كتاب مفيد اللعب او متابعه الأولاد هدف خططيله تنفيذيه بافضل صوره وأكثر كفاءه 
اتاكدى انو هدف وصغيه بشكل جيد وعددى نتايجه علشان تعرفى تكملى اتاكدى انه هيريحك ويسعدك مش منظره وعد وشهادات هى خاصه لما يكون الأولاد صغيرين كل مرحله وليها أولوياتها ملكيش دعوه بحد ركزى واتعبى على نفسك التخطيط والاقتراب من الهدف وهوايه جمع الأشياء او تنفيذ قطع فنيه كل دا بيزوده 
٢- السيرتونين نجيبه منين مش بيقدرنى شايفنى ولا حاجه تمام حاجه صعبه عارفه بس الاصعب لما تجففى المنابع وتكونى مش حاسه بقيمة نفسك لغيرك انتى ام وزوجه واخت وابنه وبتعملى حاجات مهمه لناس كتير بتربى وتاكلى وتنضفى من غيرك البيت يضيع حسى بقيمة واهميه نفسك وفكرى نفسك بيها التعرض للشمس واكل الأناناس والبيض والمكسرات بيزود دا كمان تقديم ألمساعده والعمل الخيرى والتطوعي 
٣- الاوكسيتوسن مش بيقولى كلام حب حاسه انو مش بيحبنى مش بشوف فى عينه نظرات إعجاب وحب تمام بردو حاجه صعبه واللى مخليه صعب اوى كدا انك معتمده عليه هو بس وكأنه الكائن الوحيد على الكوكب اعملى علاقات فيها موده قدمى وادعى ربنا يرزقك بصحبه صالحه غير قائمه على المصالح او تفريغ همومك اتعاملى واتعلمى اختارى واحذفى لحد ما تستقرى على المناسب واللى فيه بينكم طاقه حب وتفاهم وتشابه
اكل الشوكولا الغامقه بيزود الاوكسيتوسن الصدقه بالسر الاهتمام بالاطفال الحمام الساخن 
وطبعا التدرب على تأجيل المتعه والتخلص من الكسل فى حياتنا والتركيز على الاولويات 
وبناء فريق دعم ( مش استغلال ) فى حياتنا حد يكون تشاركه أحزانك أفراحهم تستشيره مصدر للمعلومات ليريك نفسك ع حقيقتها ومش لازم يكون شخص واحد

كم اكره  جهل المرأه 

وابغض اكثر ما ابغض إلباس نفسها ثوب الجهل والعمى 

جميع النساء تضعف وذوات قلب هش رقيق 

ولكن للأنثى كبرياء 

أين كبريائك يا إمرأه!!

وحين تتحدث عن الكبرياء. يحل الغباء عليها 

لا تدرى اضعف فيها  ام جهل 

حيث يتحول سلوكها للعدوان وتقليل الاحترام

وتدمير نفسها والعلاقات   

قد يكونوا ظلموكى حقا 

لا بأس عند الله تجتمع الخصوم  

وأما عن ظلم نفسك بالجهل والنكد والضعف  والكسل !!!!!!!!!!!!!!!؟.

🧩🧩🧩🧩🧩🧩🧩🧩🧩🧩🧩🧩🧩🧩

كتير بنسمع عن اللى نجحت تكتسب  عاده جديده 

او تحصل ع شهاده ما او تتقن لغه 

اكاد اجزم ان النقطه المشتركه بينهم 

ان كل حد حقق نجاحه  بطريقته  الخاصه محدش. مشى ع خطوات حد ولا حد عرف يديله سر الخلطه يمكن ألهمه بفكره مش اكتر

النجاح  مش هيتحقق بسهوله 

ومش هيتحقق غير بتجربك الخاصه وبفشلك قبل نجاحك

ما تخافيش 

ما تخافيش 

ثقى ف قدراتك 

اقعى وقومى براحتك بس ما تبطلى محاوله 

ابدأ ى بالأسهل 

قوى عضلة الاراده  وعضلة الثقه بالنفس بتحدياتك الصغيره 

نحسن علاقتنا بنفسنا الاول وبعدين ندور على الآخرين 

كل اللى محتاجه تعمليه انك تاخدى  قرار بانك تكونى افضل واصرى على القرار  دا وادعى فى سجودك  وتوكلى على الله  هتلاقى كل الرسايل والسبل اتفتحت  قدامك #

صباح التوكل على الله 

يمكن_يطرح_ذكاء_عاطفى
اخدتى القرار
ممكن تبدأى من هنا لتقويه عضلة الاراده
https://nano5690.blogspot.com/2019/08/blog-post_11.html

اقرى كتاب واحد اكتر من مره

اقرأوا الكتب اكثر من مره 
لو بنقرأ موضوع او كتاب خاصه ف مجال تطوير الذات مره واحده مش كفايه ابدا 
لو انا عندى خلل ف ناحيه ما  ف حياتى ولقيت موضوع او كتاب وعجبنى ولقيت فيه شرح وطرق حل  
لو دا الكتاب الوحيد اللى هتقريه اربع او خمس مرات ف السنه  وما بينهم تجارب تطبيق 
دا اعظم إنجاز ممكن تحققيه لنفسك 
احنا للأسف بنعانى من قلة التفكير الإبداعي  (تكرار التجارب بيولد الإبداع

)
وما تربينا ع النفس الطويل لمواجهة المشكلات  اما ناخدها بالصوت  او نهرب (والنتيجة واحد )
حددى الكتب  والمواضيع اللى محتاجه تقريها تانى السنه دى وبشكل عملى اكتر
لانه لو ما عملتى كدا اخر المعرفه بدون تطبيق خاصه ف مجال تطوير الذات والمهارات اكتئاب ونقمه ع نفسك واللى حواليكى 
هيتحول لكبر بدال ما يقربك لنفسك وللناس بيبعدك عنهم 
معرفتك للمعلومه مش معناها ابدا اكتسابك ليها 
ملكيش دعوه بحد ولا إنجازاته ولا أرقامه  
شوفى وجعك فين واتعبى عليه 
ركزى ما تشتتى نفسك وتحمليها فوق طاقتها 
اكتبى أهدافك وراجعيها كتير 
اكتبى إنجازاتك دى الحافز اللى  هتحتاجيه  فى لحظاتك ضعفك 
أسعى تكونى صالحه وادعى  ربنا بالصحبه الصالحه وابدأى بصحبة القران  عملا  
بس كدا 
سنه سعيده عليكم

الهدنه
عموما من سنه او اكتر
واخده هدنه عامه القراءه والكتب بشوف
 انازعايزه ايه هطبقه وهحس بيه وبعمله يحسّن حياتى  بجد  وبدى نفسى وقت جدا
السنين اللى عدت ضيعت كتير ف وهم عد الإنجازات
اللى بكتبها ومش بلحق اعملها واكتئب وأحس بضغط
وكم المعلومات اللى بتدخل دماغى وبس مش بتحسن حياتى بجد
وهم القراءه واكتساب المهاره لمجرد اكتساب المعرفه
يعنى بدات زمان اكتب انا عايزه اعمل ايه أهداف
ع اد ما افتكر
كانت كلها إنجازات أكاديميه عقليه رتيبه وخريجه ثقافه تعليم مجانى مفهوش ابداع ولا تطبيق ف الواقع
احفظ ١٢ جزء وتأنى سنه كتبت ٦ والتالته كتبت ٣
ولا عملت ولا حاجه
لان لا ظروفى ولا وقتى ولا اولوياتى كانت تسمح
دا مثال بس
كان فيه عدد كتب
كبير    ومقالات بتتقرى وتتحفظ
ولا الهوا  انا عارفه كتير وليكن الواقع بتاعى ناقصه كتير
وليكن البيت  كان عندى ديما  مكركب
ودا عامل ضغط غير عادى عليا
المفروض ف الحاله دى اتعلَّم أساليب التنظيم والترتيب

وادى لنفسى حد ادنى ست شهور
اه  خدى وقت كتير  وركزى
طيب عندى مشاكل كتير
انا تفكيرى سلبى ٢٤ ساعه وقاعده اعيط وأعيد ف اللى حصل واللى أتعمل
ادى نفسى سنه  اقرر اغلب افكارى دى
وأطبق الوسائل والأساليب المطروحة
عندى عصبيه ع اولادى
العصبيه عرض مش مرض
انتى ايه غلط ف حياتك عامل عصبيه
خليكى واضحه  وحطى حد لنفسك ولأساليب الغلط
يعنى  واحده عماله تقارن نفسها وأولادها بخلق الله
ولا الفون يوميا ٦ ساعات اتصالات ولا شات
ولا واحده تعبانه جسديا ومكسله تحسن نظام أكلها او تروح للدكتور
ولا واحده حاطه تلات  كورسات وتلات  كتب
عايزه تخلصهم ف الشهر
بغض النظر عن واقعها وقدراتها الجسديه والنفسية
ولا واحده معندهاش اللى يجبرها ع السهر يوميا لوش الصبح ع الفون
ولا واحده عايزه كل حاجه مظبوطه وزى الساعه ومنتهى الكمال
يعنى كل دا موجود ازاى يعنى هتبطل عصبيه
دا ااقل واجب
الامثله كتير
حماس البدايات بيخلينا نعيش احلام يقظه
واهداف غير واقعيه وغير منطقيه
ومن الأسباب الرئيسيه لدا
انى عايزه اسمع فلانه عملت ايه طيب واتغيرت ازاى
طيب   وبتعمل ايه ف روتينها اليومى
والنتيجة  فشل احباط
ثقى ف قدراتك وع الوجع اللى انتى حساه وابدأى من عنده
مفيش مشكله تاخدى استشاره
بس انتى المسئوله وانتى اللى عايشه الواقع بتاعك مش اى خد
ابداى من  حته
سيبك من العرض دورى ع الأصل ف شخصيتك
ايه العله اللى عملت دا كله
................،
كلنا هنا  بننصح اى حد بدورة الوقت والذات.
ليه
لانهم لما تطبيقهم شرط تطبيقيهم بالهداوه. بيقربو كى من نفسك  بتعيشى الواقع بتاعك
بتصنعى تجربتك  مش ع خطى حد ع غد دماغك وظروفك
الوعى بيكبر بالتدريج
بس لازم تجربى خطوات الوعى دى اصلا مش بس تقرائها
اتعودى تبدأى من حيث انتهى الآخرون
مش لازم الإصرار ع الباطل ولا الأحلام الخزعبليه
جربى تنفذى اللى كتباه لقيتى الدنيا مش  ماشيه اقعدى وعدلى
التعديل والحذف ومحاسبه نفسك
الجلسات دى بتقربك من نفسك جدا
كترت كلام ومش مترتب
اعتبروها فضفضه
❤️

الهدنة

الهدنه
عموما من سنه او اكتر
واخده هدنه عامه القراءه والكتب بشوف
 انازعايزه ايه هطبقه وهحس بيه وبعمله يحسّن حياتى  بجد  وبدى نفسى وقت جدا
السنين اللى عدت ضيعت كتير ف وهم عد الإنجازات
اللى بكتبها ومش بلحق اعملها واكتئب وأحس بضغط
وكم المعلومات اللى بتدخل دماغى وبس مش بتحسن حياتى بجد
وهم القراءه واكتساب المهاره لمجرد اكتساب المعرفه
يعنى بدات زمان اكتب انا عايزه اعمل ايه أهداف
ع اد ما افتكر
كانت كلها إنجازات أكاديميه عقليه رتيبه وخريجه ثقافه تعليم مجانى مفهوش ابداع ولا تطبيق ف الواقع
احفظ ١٢ جزء وتأنى سنه كتبت ٦ والتالته كتبت ٣
ولا عملت ولا حاجه
لان لا ظروفى ولا وقتى ولا اولوياتى كانت تسمح
دا مثال بس
كان فيه عدد كتب
كبير    ومقالات بتتقرى وتتحفظ
ولا الهوا  انا عارفه كتير وليكن الواقع بتاعى ناقصه كتير
وليكن البيت  كان عندى ديما  مكركب
ودا عامل ضغط غير عادى عليا
المفروض ف الحاله دى اتعلَّم أساليب التنظيم والترتيب

وادى لنفسى حد ادنى ست شهور
اه  خدى وقت كتير  وركزى
طيب عندى مشاكل كتير
انا تفكيرى سلبى ٢٤ ساعه وقاعده اعيط وأعيد ف اللى حصل واللى أتعمل
ادى نفسى سنه  اقرر اغلب افكارى دى
وأطبق الوسائل والأساليب المطروحة
عندى عصبيه ع اولادى
العصبيه عرض مش مرض
انتى ايه غلط ف حياتك عامل عصبيه
خليكى واضحه  وحطى حد لنفسك ولأساليب الغلط
يعنى  واحده عماله تقارن نفسها وأولادها بخلق الله
ولا الفون يوميا ٦ ساعات اتصالات ولا شات
ولا واحده تعبانه جسديا ومكسله تحسن نظام أكلها او تروح للدكتور
ولا واحده حاطه تلات  كورسات وتلات  كتب
عايزه تخلصهم ف الشهر
بغض النظر عن واقعها وقدراتها الجسديه والنفسية
ولا واحده معندهاش اللى يجبرها ع السهر يوميا لوش الصبح ع الفون
ولا واحده عايزه كل حاجه مظبوطه وزى الساعه ومنتهى الكمال
يعنى كل دا موجود ازاى يعنى هتبطل عصبيه
دا ااقل واجب
الامثله كتير
حماس البدايات بيخلينا نعيش احلام يقظه
واهداف غير واقعيه وغير منطقيه
ومن الأسباب الرئيسيه لدا
انى عايزه اسمع فلانه عملت ايه طيب واتغيرت ازاى
طيب   وبتعمل ايه ف روتينها اليومى
والنتيجة  فشل احباط
ثقى ف قدراتك وع الوجع اللى انتى حساه وابدأى من عنده
مفيش مشكله تاخدى استشاره
بس انتى المسئوله وانتى اللى عايشه الواقع بتاعك مش اى خد
ابداى من  حته
سيبك من العرض دورى ع الأصل ف شخصيتك
ايه العله اللى عملت دا كله
................،
كلنا هنا  بننصح اى حد بدورة الوقت والذات.
ليه
لانهم لما تطبيقهم شرط تطبيقيهم بالهداوه. بيقربو كى من نفسك  بتعيشى الواقع بتاعك
بتصنعى تجربتك  مش ع خطى حد ع غد دماغك وظروفك
الوعى بيكبر بالتدريج
بس لازم تجربى خطوات الوعى دى اصلا مش بس تقرائها
اتعودى تبدأى من حيث انتهى الآخرون
مش لازم الإصرار ع الباطل ولا الأحلام الخزعبليه
جربى تنفذى اللى كتباه لقيتى الدنيا مش  ماشيه اقعدى وعدلى
التعديل والحذف ومحاسبه نفسك
الجلسات دى بتقربك من نفسك جدا
كترت كلام ومش مترتب
اعتبروها فضفضه

الأهم هو المهم وغير عاجل فى حياة المرأه

مهم وغير عاجل 
دا من المربعات المهمه إللى المفروض نشتغل عليها بشكل مستمر يوميا بس ممكن يكون بعد الحاجات المهمه إللى مستعجلة عليها 
هو ايه المهم والعاجل الاول 
دا بيختلف من حد للتانى ولازم قعدة روقان كدا وتحددى ايه المهم وعاجل بالنسبالك ما ينفعش حد يقولك لان  محدش عايش حياتك غيرك  بس دا لا يمنع نقول امثله بالنسبالى الصلاه وتنضيف البيت والغداء والاهتمام  بنظافتى الشخصيه وبيتى وابنى  وتحضير اى ورق او مهمه انا عارفه تاريخ تسليمها لو عندى وزن زايد دا أكيد هيكون عاجل أنى اخد خطوات يوميه فى تحسين نمط الاكل والشرب والتفكير علشان اعيش بصحه وشكل كويس لو سنانى وجعانى لازم اروح أعالجها قبل ما اعمل اى حاجه لاى حد وهكذا دى  حاجات عاجله لازم تخلص 
وإلا هتاثر على كفائة يومى  وحالتى النفسيه 
نجى بقى لموضوعنا (اعادة التاهيل الشخصى)
المهم وغير عاجل 
دا حاجه هتفدنى على المدى البعيد يمكن اخر السنه او بعد خمس او عشر سنين حاجات محتاجه اعملها بشكل منتظم علشان اجنى ثمارها بعدين هتحسن حياتى فى سن الستين ولحد ما اموت او لما أكون لوحدى او لو الحياه فاجتنى بحاجات صعبه لا قدر الله علشان أكون قويه اقدر أواجه وأتحمل  واعديها  ودى برضو ترجع لكل حد مرتب أولوياته ازاى بس فى حاجات ثابته بتنفع كل الناس بلا استثناء مثلا القراءه الرياضه 
التخلص من العيوب إللى محتاجه وقت ومجهود علشان نحسنها زى او نكتسب صفات أفضل 
زى الهدوء  و قوة الشخصيه الثقه بالنفس حسن الظن حسن اللجوء لله الرضا الحمد  السباحه التايكوندو ركوب العجل وزى ما خيالك يجيب مفيش  حاجه مستحيلة طالما جت فى تفكيرك بس فى حاجات محتاجه وقت وصبر 
التشتيت بيجى من الكسل الهروب جلد الذات التأجيل  باستمرار 
خدى احتياطات فى الفخ إللى ممكن توقعك  فيه الحاجات دى 
🔘الهدايا شئ محفز جدا للدماغ 
🔘تهيئة جو مناسب
 (مثلا يعنى افصلى النت وانتى بتقرأى )
🔘حددى وقت محدد ومناسب لكل مهمه  غير عاجله و هامه 
(مش لازم ساعه اعملى كل يوم ربع ساعه للحاجات دى بس التزمى بيها بعد وقت هتلاقى إنجاز )
☑️☑️حاجه مهمه اخيره عايزه أتكلم عنها من فتره 
⚫️ركزى مع نفسك الاول اصلحىى ذاتك
 وما تشتتى نفسك   فى قضايا الامه عليك بنفسك بعد كدا لو اللبنه صلحت صلح المجتمع كله اشتغلى علشان تكونى فخورة بنفسك لما تقابلى ربك تعرفى تقولى يارب انا حاولت بما املك وفيما ينفع (الهرى مع الناس  والردح الالكترونى على كافه الاصعده ما هو الا محض هرى وشحن النفوس والقلوب بالغل والسلبية

عن ماذا يجب ان تقرأى كمرأة لبدايه رحله جديده

#تحدى_١٠٠يوم_انا_أفضل 
#القراءه 
مفيش حاجه هتغير دماغك ومن ثم شخصيتك قد القراءه  مع محاولات التطبيق والسقوط والنجاح 
على اقل تقدير هتلاقى نفسك بعد  شويه شهور من القراءه اصبح عندك فكر رأى علم تقدرى تتكلمى بيه ويساعدك انك تكونى أوعى وانضج حتى مع نفسك 
القراءه تلات انواع مهمين من وجه نظرى: 

١-قراءة القران الكريم  مع تفسير مبسط 
🕌ودى ممكن تكون عشر دقايق او صفحه كل يوم بعد صلاة الصبح دا لو انتى مش بتقرأى خالص او مقصره

٢-كتب صوتيه من اليوتيوب او من الساوندكلاود :
📼 اثناء شغل البيت مثلا  

٣-قراءه كتب :📖
دى ممكن نخليها ربع او نص ساعه ف الْيَوْمَ اختارى اى وقت تقدرى تستمرى عليه وبالنسبالك محفز وسهل  كبدايه 
...........،.............،.................،...............،...........،...
اقرأ ايه 
اللى انتى محتاجاه  ف الفتره دى 
كتب عن التربيه ماشى
كتب علم نفس حلو
كتب تعاملات وماله 
كتب دينيه مش وحش 
انا مش بحب احدد تقرأى ايه انتى قررى واقعدى مع نفسك وشوفى أهدافك واللى ناقصك ودورى واسألى 
ممكن ف التعليقات نكتب اقتراحاتنا  للكتب اللى ناوين تقرأوها 
بس ما تحملى كتاب جديد الا لما تخلصى الاول لازم  
بس ممكن تكتبى قايمه بالكتب اللى نفسك تقرأيها 
ونعلم صح قدام الكتاب اللى يخلص

يوم جديد لمرأه جميلة

هو انا ممكن اعمل ايه النهارده 
علشان أبقى بطلة يومى 
الحياه الناجحة هى فى الأصل يوم ناجح 
تخيلى ممكن تعملي ايه واعمليه وشوفى إحساسك بعدها 
توازن 
عديها
وفوتى شويه حاجات 
جربى اى حاجه تجى على بالك 
Let's do it 
And touch our hearts

كيف تستفاد المرأه من نصائح وخبرات الآخرين

هما بيتكلموا كدا ليه 
غالبا ما هتلاقى ناس بتنصح وممكن تقسى عليكى فى النصيحه 
ليه لأنهم عايزينك أقوى وأفضل 
ليه بردو
ف ناس مش عايزه حد يتوجع زي ما حصل معاها 

ولا  تتوهى ف السكه زى ما حصل معاها ومشوارك يطول فبتختصر عليكى الطريق 

ف ناس ما كانت لاقيه حد يدلها على الطريق عدى عليها وقت كانت مش عارفه تعمل ايه ولا اللى بيحصل معاها ذنبها فيه ايه ف ناس عملاه بنية عمل خير وترك اثر طيب 
رغبه فى رضا ومثوبه من الله


من ذكاء التعامل مع الحياه ما تتعبش ف اللى وصله غيرك 
ابدأ من حيث انتهى 
اسمع الكلام  مبدئيا طالما المنطق مقبول 
وامشى الطريق للاخر وطولى نفسك وبالك 
التوفيق فى كل حاجه بيجى من ربنا 
فاحنا بنسعى ونجتهد أهو يا ربى عملت اللى عليا وبعمل وبحاول وبستعين بك فقوينى اكمل واستمر وأواجه أوقات ضعفى ولحظات خيبات املى وما يأكل الحزن والسلبية عمرى 
أنى الاقى نفسى ومجالات  افرغ واخد منها احتياجاتى  
وارجع منها أقوى ف أوقات ضعفى 
مفيش حد  ممكن ينكر عليكى مشاعرك 
بس ما تخليها سجنك وتحبسى نفسك 
تغافلى واصبرى وركزى على الحاجات الحلوه علشان تزيد
النساء دعامات بطبعهم لبعض 
فنفسك أولى الناس  بدعمك 
(ربنا ان ظلمنا أنفسنا فان لم تغفر لنا وترحمنا  لنكونن من الخاسرين )

السلام الداخلى للمرأه

يعنى ايه سلام داخلى 
لو على اعتبار ان دا الهدف الاسمى اللى بنحاول نوصله علشان نعرف نعيش مبسوطين 
يعنى عندى إشباع للجوانب الرئيسيه فيا 
اللى هو المشاعر والعقل والجانب الاجتماعي والجانب الروحى 
لازم يكون عندى تعريف واضح وصريح للجوانب دى 

انا عندى ايه وناقصنى ايه ولازم أتخلص من مين 
مجرد ما تعرفى مشكلتك وتسعى لحلها دا هيشغلك عن احساس النقص  او الحرمان ودا السعى 
خلص الكلام لحد هنا 
عايزه تفاصيل من وجهة نظرى ......

ناخد المشاعر مثلا 
ضحكتى حلوه اَي حد لما بيضحك بيبقى حلو دى عندى 
 امسكى ف دى انا مش بضحك كتير ليه ونعدد وسائل تزود الضحك اصبرى عارف عايزه ترصى انتى مش بتضحكى ليه من قلبك 
ناقصنى مشاعر تقدير أو   أمان أمسكى فى دى
ليه انا ايه العيوب اللى فيا اللى مانعه اللى قدامى من تقديرى 
مش واثقه فى نفسى مثلا اسلوبى مستفز او بتكلم كتير بتعصب كتير صوتى عالى بردو اخل المشكلة دى عندى ازاى 
وأدور بقى وأجرب واجتهد وادعى ربنا بالتوفيق 
مجرد قعدتك مع نفسك وفرزها على ورقه بيضا كدا دا اجتهاد 
بدال ما انتى عماله تقرى هنا وهناك وتبصى لدى وتقارنى نفسك مع دى 
انتى حاله خاصه وانتى بردو الطبيب الوحيد 
طيب يعنى بعد دا كله الدنيا هتبقى   ١١٤ فل 
لا 
احنا كائن حى متغير كتله معقده من  الأحاسيس والتاريخ الاجتماعي والنفسي المختلف  طبيعى تحصل اضطرابات ونقع ونقوم 
هنا بقى يجى دور الروح  هى اللى بتظبط الجوانب التانيه من الذات 
خمس صلوات بخشوع 
ركزى فى خشوع دى 
كفيله انها ترجح كفة الميزان وكويس انها خمسه وفيه نوافل لانه ف الْيَوْمَ الواحد احنا مش ضامنين يعدى كدا 
فمحدش على طول  cool   ورايق 
بس فى حد بيعرف يحدد العله ويتوجه للحل او عدة حلول
بيعيط ويضعف ويحاول ويفشل وينجح كل دا عادى المهم يكون مركز ويكون عارف انا مين وعايزه ايه 
وأخيرا الانشغال بالأسئلة    والتعلق بالمسميات والكليشهات  خاصه فى بدايه  طريق الوعى محض عبث بالنسبالى 
بسطيها على نفسك وانتى هتلاقيها ما  تحطى العقده فى المنشار وتقعدى جنبها عيشى حسى بيومك النهارده واللحظه دى هى اللى فى إيدك دلوقتى عيشيها صح  
وتوكلى على الله 
بس كدا

وعى المرأه وتحسين علاقتها بزوجها

تصادم التغيير وصدمة الوعى 
مش عارفه ليه بنربط تطويرنا الذاتي بانى اقلب على زوجى وأحولها لساحة حرب وانا قررت أتحرر من عبوديتك وانا كنت ذليله وقررت أتمرد 
ليه أقوله أصلا أنى بقرأ كتب ولا روايات ببحث عن نظرة تقدير مثلا 
ولا أوعى انا بقيت مثقفه وخدلك جنب يا جاهل انت يا فاقد الرومانسيه يا متخلف خدلك جنب بقى 
ولا اهمله متعمده واعامله بوش خشب انتقام للحظات جرحنى فيها وانا كنت بجرى ورآه لانى فاضيه ويصدنى طبعا ساعتها انا مش شايفه أنى كنت لازقه ورغايه وبتسول المشاعر باستمرار معنديش حاجه تعوضنى او تشبعنى هو الحنفية الوحيدة وعندى جفاف دايما 
طبيعى نكون مختلفين ف حاجات انا بحب اتفرج على برنامج معين هو بالنسباله دى حاجه مستفزه وبيدافع عن وجة نظره وبيحاول يقنعنى ونتخانق مانا اسمعه ولا اعمل نقطة خلافنا بعيد عنه وهو مش موجود ليه  (دا مجرد  مثال )
ليه استدعى نقاط خلافنا 
مش خوف منه 
لا انا عايزه اشترى دماغى 
وأحافظ على الود والاحترام ما بينا 
مش لازم كل خلافتنا تنتهى 
ممكن يكون حلها اننا نعرف نتعامل معاها 
التغافل شى مهم جدا أنى اكبر مخى شئ اهم 
رحلة الوعى طويله اوى وغالبا بنقرأ عشر كتب ونتغر 
دماغنا بتكبر لما نظرتنا للامور بتتغير 
تعاملنا مع المواقف يكون بذكاء قبل ما يكون هيحقق مصلحتى 
لانى ممكن  أحقق مصلحتى وأخسر زوجى شخصيا 
انا مش بحاربه انا بحاول أوصل للموده والرحمه ما بينا وازودها 
الوعى مش علشان انتقم 
ولا انتصر 
ولا علشان يصقفلى ويقولى انتى مفيش منك اتنين واعملى اللى تقولى عليه ومش مهم معتقداتى  ولا حتى افكارى الباليه انا 
الوعى أنى أوصل وأحقق بس ما اخسره ولا اخسر نفسى 
معركة مكسب مكسب
واعرف اطلب حقى بطريقه ما تخسرنى  
ومفيش قاعده عامه 
كل واحده حاله خاصه 
ولها تاريخ طويل نفسى واجتماعي
فى  رحله الوعى علشان ما تتعبيش 
ركزى على نفسك صالحيها
وحبيها وقدريها وقومى عيوبك 
وبعدين نشوف سبع الليل حكايته ايه 
ولو أنى أكيده بما انك انتى طرف المتفاعلات فى المعادله اتغير 
فهتلاقى النتائج بتتغير من غير ما تتعبى اوى لما تركزى عليها وتتعاملى  معاها مباشرة 
علشان هو يتعامل بشكل مختلف انت لازم تكونى حد مختلف 
وعلشان ما ندخل ف سفسطة وانا ليه مش هو 
لأنك انتى اللى عايزه السعاده ولأنك تستحقيها
فلازم تعملى اللى عليكى بطريقه صح 
ولو مش عايز ه it's ok    براحتك 
بس ما تشتكى   وخليكى زى ما انتى طالما مرتاحه 
انتى مرتاحه بجد

كيف تتعاملى مع الالم والابتلاء

كل الناس بلا استثناء عندها إللى يوجعها ع اد طاقتها 
بس إللى بيفرق حد عن التانى واحد مركز ف الالم إللى فيه وبيفكر فيه ليل ونهار وتفكيره وحده هو العائق مش الناس 
حد تانى قرر يتجاهل ويهتم بنفسه ويقويها من جوانب مختلفه لان الانسان مش بس تسامح ومشاعر 
ف عقل وف روح ف جسد ف جمال ف اولاد ف عباده ف بيتى ف زوجى ف هوايتى ف ثقتى بنفسى لو ركزتى ع دول ساعاتها هتنسى الوجع والالم وتعيشى وتتطورى وبعد فتره هتحسى انك عندك القدره ع التسامح لأنك بقيتى شخص جديد قيمك اتغيرت  وشخصيتك ونظرتك ف تقييم الأمور والأشخاص 
عن نفسى كل ما بتعلم حاجه بحس اد ايه أنا لسه محتاجه نضج علشان  أسامح أو حتى اتعامل مع نفسى والاخرين صح 
المشوار طويل وأننا نبدأ فيه دلوقتى أفضل ما ابدأ بعد ساعه ابدأ واعتبر كل خطأ حصل أو هيحصل  درس اتعلَّم  وما أكرره تانى وأتقبل فكره أنا لسه محتاجه اتعلَّم بس مش بنظرة  أنا جاهله وعاجزة لسه لا بنظرة أنا هتغير وهجرب وهتعلم 
هركز ع الحلول مش المشكلات 
لا بأس ببعض الالم 
لا بأس بلحظات الضعف 
ان لم تكن اُسلوب حياه فقد حاله طارئة مش هسمحلها تكون اُسلوب حياتى
 تحياتى 
نهال 🍓

كيف تحقق المرأه التوازن فى حياتها

لو حبينا نفصل الجانب الاجتماعي 
علشان الصوره توضح ونحقق التوازن 
دول نموذجين لشخصيه شمالية وجنوبيه دا مش مقياس بس بنحاول نوضح الصوره كل حد فينا ممكن تكون التفاصيل دى مختلفه عنده 
اولا الشخصيه الشمالية 
💬💬💬💬💬💬💬💬
انا اجتماعيا بحب ايه وعندى ايه مميز 
أنى بوش واحد اللى مش بقبله مش بنافقه 
بحب الناس تفهمني بسرعه لانى ما عندى نيه سيئه اتجاه الناس العاديه 
بحب أتواصل اجتماعيا مع الناس علشان هدفين صلة رحم او تقديم مساعده والاتنين علشان ارضى ربنا وأكون سعيده بنفسى لانى ما عندى تأنيب ضمير 
ناقصنى ايه 
مش بندمج مع الناس بسرعه وبتفهم غلط 
عاطفية مشاعرى بتأثر بشكل كبير على تصرفاتى وردود افعالى 
إلانا عندى عاليه حبتين مش بحب أكون مهمشه ولا درجه تانيه 
دايما فاكره ان نظرتى وتقديرى للامور هو اللى صح 
بحب أكون مسيطره 
المفروض اعمل ايه اتجاه الحاجات اللى نقصانى او اللى بتشكل عائق للاندماج الاجتماعي وتكوين علاقات مختلفه 
بحاول اسمع اكتر ما أتكلم 
مش بندفع فى علاقاتى مع الناس لانى ممكن أقول حاجه أندم عليها بحاول أكون متأنية وحريصه 
مش لازم كل الناس يعجبونى كل شخص له مبرراته اللى مقتنع بيها إنّو صح فبحاول أحط نفسى مكانه 
ولا انا اعجب كل الناس مش معنى ان فلانه او فلان مش متقبلنى أنى ان سيئه لا احنا مختلفين وكل واحد يركز ف حياته  ممكن نكون just احنا معارف 
الود حلو فى المعاملات الابتسامه كمان لان العلاقات مهمه 
لو حسّيت أنى أتفهمت غلطت بطلت أكابر وأقول انا ابررلك انت ما تتفلق (بقولها لبعض الناس)
بس فيه علاقات تستحق التوضيح زى الأهل الزوج الأصدقاء المقربين 
بقرأ كتب فى المجال دا 
زى كتاب كيف تتعامل مع الناس 
و اقرأ عن الشخصيات المختلفة دا ساعدنى كتير أتغلب على سوء الظن بالناس وسيطرت على إلانا العاليه شويه  ومازلت بحاول 
اتعلمت أقول لا 
مش لازم أوافق على اى طلب فى اى وقت على حساب راحتى وصحتى بس علشان بحب اساعد 
ومش لازم اقدم حلول واشيل الهم ف حاجات اكبر من طاقتى ومعرفتى 
قطعت علاقتى بناس مش أساسيين فى حياتى بس مرهقين ليا عاطفيا 
سواء  الناس اللى هى دايما عايزه تنتقدك من غير ما يكون فى مجال لدا المهم تكدرك وخلاص  او ناس بتصدرلى طاقه سلبيه باستمرار (شكوى -تدخل زايد عن الحد -مقارنه سخيفه )
رغبتى ف السيطره بحاول أتدرب على التخلى واسيبها على الله لانه حاجات كتير ربنا بيدبرها من حيث لا نحتسب 
بدعى دايما بقلب سليم لانى مش بنسى ولا بسامح بسهوله ودا شئ مرهق ليا انا وبس جدا 

🎴🎴🎴🎴🎴🀄️🀄️🀄️🀄️🀄️🀄️🎴🎴
ثانيا الشخصيه الجنوبيه 
💬💬💬💬💬💬
عندي ايه بحب الناس والصداقة جدا
ناقصنى ابقى واثقة اكتر فى اختيارى وانى هلاقى اللي شبهى
لان عندي تجارب كتير ولقيت كتير شبهى جايز الظروف مش مساعدة لمقابلة شخصية بس ليهم وجود فى حياتى مبسوطة بيه ومستمتعة معاهم
مش عشان لقيت شوية دماغهم مختلفة يبقى الكل كدة
الحل انى زى ما انا هكمل هتعامل مع الجميع بحب وبطبيعتى واكيد هلاقى اللي شبهى جنبى
مشاكل ممكن تواجهنى انى مش دايما هلاقى اللي متقبل شخصيتى وتلقائيتى فى التعامل
الحل هيبقى انى أتعامل بدون اندفاع لحد ما اتعرف اكتر على اللي قدامى اذا هو تقبل ولو رفض ماعندى مانع فيه كتير اتعرف عليهم
طبعا أمنيه شريكتى فى البوست  شكرًا يا مون Omnia 
Essam
لو عندك طريقه او عائق ف شخصيتك وعرفتى او ما عرفتى تتغلبى عليه قوليلنا عليه يمكن ينور سكه لحد

اكتشف مصيرك ٦

#اكتشف_مصيرك ٦
المرحله الثالثه 
الرؤيه باعين جديده بمعنى تكتشف نفسك وان تقف 
وما تريد وما تحتاج فهى مرحله الوعى بالعجائب والامكانيات 
كلما كنت شجاعا ومصرا ان تعيش حياه حقيقيه وبقوانين الله ف ارضه 
سوف تحدث أشياء رائعه وتجد من يساعدك وابدأ أحلامك تتحقق 
إذن ماهى المراحل التى عليها المتعلم 
١- العجز اللاواعي 
لا يعرف ما ينقصه او ما يحتاجه وغير مدرك انه عاجز اصلا 
هؤلاء لا يخصصون وقت للتفكير ف كيف يتعاملوا مع أنفسهم ولا كيف يختاروا خيارات صحيحه ف حياتهم 
حين يظهر استعداد للتطور ننتقل الى 
٢- مرحله العجز الواعى :
يعرف ما يحتاجه  وما ينقصه وما يحتاج لبذل الجهد فيه ويكون لديه الوعى ليرى كل الأخطاء التى يرتكبها ف طريقة عيشه  
هذا الوعى قد ياخذه الى 
٣- مرحلة الكفاءه الواعيه :
هنا يكون كفئا ولكن لازال عليه ان يبذل الكثير من الجهد وان يقوم بخيارات يوميه باسلوب شديد الوعى والتعمد 
يكون منتبه ومصر ان يستمر ع خياراته الايجابيه 
فهو يعيش بقوانين الله وترك الحشد ويعيش حياته  
بمفاهيمه الخاصه  بمعنى
تصنع عادات ايجابيه وتصر عليها  
وإذا كنت مستعد ومخلصا ف هذه المرحله سوف تنتقل الى 
٤- مرحله الكفاءة اللا واعيه 
سوف تكون اكثر ارتباطا باللحظه الحاليّه تكون شديد التمكن من نمط حياتك ويقظا 

احرص ان تصل الى مرحلة الكفاءه اللاواعيه تقوم بعاداتك الجديده الايجابيه بدون مجهود او تعمد كمن يقود سيارته ولا ينظر الى اجزاء القياده كما كان يفعل وهو يتعلم ف البدايه 
تقبل كل شئ ف حياتك سلبى او ايجابى كفرصه للتعلم توقف عن الحكم الأشياء  
قم بخطوات يوميه تقربك من حياتك الحقيقيه اصنع  انت البهجه واستمتع بحياتك 
اكتشف أين انت من تلك المراحل واحرص ع الوصول الكفاءه غير الواعيه

اكتشف مصيرك ٥

#اكتشف_مصيرك  ٥
المرحله الثانيه 
بعد التوقف عن عيش الكذب كمرحلة أولى  
تاتى مرحلة الاختيار ان تختار ان تعيش بوعى 
وتصبح رجل افعال او ان تستمر فى حياة القطيع بلا وعى ولا وجهه  
وعندك اختيارك ان تعيش كإنسان واعى 
إليك اهم التكريسات حافظ عليها يوميا 
١/ استيقظ مبكرا ف الخامسه صباحا لان المبكرين يحصلون ع الأفضل من الحياه 
.
.
٢/ خصص اول ساعه من يومك للقيام بالعمل الداخلي المطلوب من صلاه ودعاء ومراجعه اهدافك وتخطيط يومك بحيث تجعله يوم ناجح فيه انجاز 
هذا يجعلك تتألق وتعيش بأروع ما يمكن 
.
.
٣/ قدم الاهتمام والعاطفه للكل بدون استثناء 
صله الأرحام والاصدقاء والمحيط العام 
.
.
٤/ اتقن عملك مهما كان واعمل على التميز فيه وسوف تتدفق لك الوفره والانجاز 
.
.
٥/ تصرف على اساس انك الأكثر محبه ومن اعظم و اهم الناس على كوكب الارض (لانك كذلك ) 
.................
....
وراء ستائر كل ليل هناك فجر باسم ينتظر

من كتاب اكتشف مصيرك ٢

#اكتشف_مصيرك ٢
💧يجب ان تتحول جروحك الى حكمتك 
توقف عن عيش حياتك ككذبه وكن صريحا مع نفسك وسوف ياتى مصيرك يدق بابك 
انت فقط يمكنك اكتشاف مصيرك 
ولكن وجود مرشد يسهل الامر  ويختصر الوقت 
(المرشد قد يكون كتاب مقال سيرة شخص ناجح 
شخص متاح )

كيف تجد نفسك وتعرف حقيقة ذاتك 
معلومات يجب ان تعرفها لتعرف ذاتك ومن ثم مصيرك.......،،،، 

💧الاهتمام بما هو روحانى وقيمة التبادل والعطاء 
    من اهم أسباب السعاده 
💧بالرغم من ذلك فلا شئ خاطئ ف صنع المال وامتلاك أشياء جميله ولكن لاتدع الماديات تكون اهم اولاويات امتلكها ولا تدعها تمتلكك 
💧الحب والعطاء من أسباب السعاده الحقيقه 
فلا احد يعيرك انتباه جديا حين تهتم بنفسك بشكل زائد عن الحد 

(جرب تتعامل مع اى شخص واى مشروع بحب وانظر كم يربح ذلك المشروع او تلك العلاقه 
ولكن تعلم تعطى ما يحتاج  فعلا وليس ما تظن انت انه يحتاج  أعطى وحب بذكاء) 
ببساطه ما زاد عن الحد انقلب للضد فن الموازنات 
💧كلنا نحتاج لعباره صادقه ترشدنا كل صباح الى توجهنا الحقيقى واختيارات يومنا 

💧💧💧💧هنا تاتى النقطه الأهم فنحن نحتاج لبعض الوقت يوميا لنفكر ماذا تعنيه حياتنا وما أريد ان تعنيه حياتى لحظات صدق واتصال حقيقى بالذات 💧💧💧💧💧

ما الذى تريد ان تفعله حتى لا تندم لحظة وفاتك لانك لم تفعله كيف تحب ان تكون سيرة حياتك ما القيمه والمعنى والفائدة فيها ما هى رسالتك وكيف عشت بسعاده 

💧💧استعد للمخاطرة وجرب أشياء جديده ونافعه اجعل قلبك يخفق من الخوف تحرر من مخاوفك ومنطقة أمانك اختيارك اما ان يحررك او يقيدك 

⚫️⚫️لا تقلق بشأن مصيرك فعندما تعرف نفسك بصدق ودون أقنعه او كذب وتعرف أولوياتك انت وليس ما علمك الآخرين والتى تشعر بصدق انها لها الاولويه والقيمه الأكبر عندك  
حين تعرف من انت حقا سيظهر مصيرك أمامك وتكون قادر على ادراك ان ذلك هو مصيرك وتنتهز فرصة ظهوره ⚫️⚫️

💬ولكى تعرف نفسك توقف عن لعب دور الضحيه باحتراف توقف عن لوم الآخرين عن الأشياء الفاشله ف حياتك 
فقط قم بالتغييرات المطلوبه وفقط اعمل على علاقتك بنفسك واعد صلتك بها💬💬 

.
.
اعرف نفسك ومصيرك سيجدك 
.
.
لا تستعجل ابدا رحله التحول الذاتى بل استمتع بها فالحياه لا تعمل تماما كما نتوقع 
ضع أهدافا وخططا لحياتك فذلك يجلب الكثير منها ولكن تمسك بخططك واهدافك بمرونه 
(وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ) [البقرة:216].
الشاهد أن الإنسان لقلة علمه وضعف حكمته قد يرى ان ما يعرفه هو الخير له وهو لا يعمل ان اصراره على ما يظن انه افضل قد يفقد ما هو افضل بالفعل 
ببساطه كن مرنا ولا تسعى للتحكم والسيطره
.
.
💧كن رقيقا مع نفسك اننا نتعلم من اخطائنا 
ازاى الحكم الصحيح ياتى من التجربه والتجربه تاتى من الوقوع ف الأخطاء والأخطاء تاتى من الحكم السئ 
فعش التجربه وقم بالاخطاء وسامح نفسك وأكمل السير وهذا هو مفتاح الحكمه ان تتعلم من أخطائك 
لا عدم ارتكابك اخطاء فقط ركز وحدد خطأك لتتداركه 💧💧
.
.
💧💧يجب ان تكون مستعدا للقيام بالعمل الداخلي المطلوب للتحرك عبر المراحل السبعه ليقظة النفس وان تحتض النمو والتغيير القادم وتقبل عليه 💧........يتبع 
حماس وفضول

ملخص كتاب اكتشف مصيرك لروبن شارما ٧

#اكتشف_مصيرك ٧
المرحله الرابعه

اهم النصائح ف المرحله والفصل دا
&& اكتب قصة حياتك وما تتمنى وتحلم واكتب نعيك اكتب عن القيم والمعتقدات والمبادئ التى ستلتزم بها
.
&& عِش بوعى وتقدم كل يوم بخطوات نحو حلمك وقصتك
.
&& تقبل كل شئ ولا تقاوم فقد تعلم الدروس
.
&& عِش بقوانين الله ف ارضه
.
&& قم بافضل ما لديك ودع الباقى لله فحتما سيختار لك الخير
.
&& اعمل ع يقظاتك الأربع عقل  روح. مشاعر. جسد احرص عليها جميعا
.
&& يقظة العقل :
اقرا نوع مصادر معرفتك دون افكارك  وافعالك وتعهد كل يوم باصلاح أخطائك اجعل لك دفتر صديق
&& يقظة المشاعر :
سامح من اجل نفسك لا تحمل الآخرين وأخطائهم فوق ظهرك ردد واقرأ وتبنى مفاهيم التسامح حتى يتأصل ف عقلك وافعالك
فالصفح ان تدرك ان الناس يأتون بتصرفات مؤلمه لانهم أنفسهم يتألمون كذلك من لا يحترم الناس هو شخص ف الأساس فاقد القدره على احترام ذاته
استمر ف تدوين وتذكر هذه الحقائق وسوف تتحرر
.
&& يقظة الروح :
اعتنى بصلاتك والخشوع فيها وف الدعاء والذكر
ساعد الآخرين
.
&& يقظة الجسد ؛
مارس الرياضه تنفس بعمق اشرب الماء كثيرا
تناول الطعام الصحى تعرض لاشعة الشمس

تحياتى

من كتاب اكتشف مصيرك مع شرح خاص بالمرأة اولا

#اكتشف_مصيرك
حياتك كنز وانت اكبر بكثير جدا مما تعرف
الفصل الاول
باختصار
احنا بنشوف العالم على قدر معرفتنا اى اننا لم نرى شئ بعد
واصلا العالم بيديلك من نفس نوع افكارك
حزن حزن ايجابيه ايجابيه
حتى الاحزان والازمات هى اللى بتفتحلنا طرق جديده للتفكير والتعامل
السجين بيحس بالخوف ف اول يوم حريه له
احنا زى السجين بيحس بالخوف من الحريه وتجربه طرق مختلفه للعيش للتفكير
لان سجنه منطقه امانه اللى عارفها كويس وحافظ الروتين اليومي
لكن رغم الخوف من الحريه ف البدايه لكن هتلاقى
سعادتك الحقيقيه  خارج سجنك او منطقه أمانك

ومن اكتر الأشياء فعاليه فى تحريرك هى معاناتك
لانها تفجر قلبك فتكتشف انت مين وفين وعايز ايه
بتحط ايدك على الواقع
.
.
تطوير الذات مرتبط اكتر بإحساسك وكونك متاكد من انك سعيد بما تفعل وبالطريقة اللى بتعيش بيها
وأنها طريق السعاده الحقيقى وليس المزيف
وتحرير عقلك من احزان الماضى او قلق المستقبل
.
فكل من لديه معاناه اعتبرها نقطة البدايه لحياه افضل لانه عندما تكون الحياه جيده نميل للعيش بشكل سطحى اما أوقات التحدى نسال عن الاسئله الأكبر ف الحياه وتجربة شئ مختلف
.
.
الجنون هو القيام بنفس الأشياء وتوقع نتائج مختلفه
..........يتبع

ملخص كتاب اكتشف مصيرك لروبن شارما مع شرح خاص للمرأه

#اكتشف_مصيرك ٣
الحياه تعاش الان
عِش حياتك برغبه عارمه استمتع بالاشياء الصغيره
كما الأطفال أرقص العب بالماء ارسم
فقط ركز على الحاضر واستمتع لو انك تستطيع التركيز على الحاضر لاصبحت شخص سعيد
الماضى قبر لا تعش حياتك ف قبر
وازن بين عقلك وقلبك فالإرادة من القلب فقط اجعل لعقلك اداه للتخطيط والتفكير الهادئ والتعلم من اخطاء الماضى فقط ودع قلبك يستمتع بالحاضر
فالقلب يعرف ان الحياه تعاش فى اللحظه الحاليّه
.
⚫️إذن ما هو المصير..........
هو عباره عن هدف اساسى فى حياتك يمدك بالطاقه والعاطفه تتخلى عن النوم لايام دون ان تشعر فهو غايتك الأعظم ؛؛؛؛؛؛؛
.

⚫️النوم هو وسيلة الكثيرين ينام كثيرا ليشتت الوقت ويهرب من الالم بداخلك فلا تنم اكثر من حاجتك وواجه نفسك ⚫️
.

⚫️كيف اجد مصيرى وانا ف مكانى ....،،،،
كل ما يتطلبه الامر
💧ان ترى الأشياء بشكل مختلف
وان تجعل خدماتك وعملك ف سبيل تيسير حياة الآخرين وجعلها اكثر مَرَحا قدم خدماتك بحب
(جددى النيه خالصه لله ) اجعل هدفك إسعاد من حولك
وهنا.... يبدأ قلبك ف الانفتاح  والنبض فعندما يسيطر العقل خارج مهمته ف التخطيط والتعلم
بمعنى يضخم ف الافكار السلبيه والتى غالبا ما تبقينا صغارا
💧فالقلب والمشاعر هما المحرران أنهما يجعلاننا نخطو لاعلى ونصل الى عظمتنا يصنعان الاثاره ويشجعان اعظم ما ف نفوسنا على الخروج والمشاركه

.
.

💧💧💧قدم كل اعمالك وقم بكل أدوارك مهما كانت صغيره
بحب وفخر ايجابى بمعنى ان تسعى للتميز فى كل عمل تقوم بيه قدر ما تستطيع فالحب طاقه عظيمه والفخر الايجابى يزيد من احترامك لذاتك وثقتك بنفسك وهنا ....
تشعر بشئ طيب اتجاه نفسك وحينما تشعر بذلك
ستقوم بأعمال عظيمه وتتميز انها طاقة الحب تسمو بك لاعلى 💧💧

ببساطه قدم الاحسان تجد الاحسان فهل جزاء الاحسان الا الاحسان والعكس صحيح ان اردته
قدم افضل ما لديك ودع الاقدار تسير لتصبح افضل ما يمكن
.
.
💧اسرع الطرق لتجد مصيرك وتحيا بشغف
 فقط كن شخصا طيبا وافعل أشياء طيبه
عِش باتساق مع قوانين الحياه والكون (تعاليم الدين )
ان الله يريد لنا الخير ودالنا على قوانين ذلك الخير
⚫️ما هى القوانين ......
ساعد الآخرين ...... عِش باستقامه وعصمه
عِش اللحظه...... كن أطيب شخص تعرفه
اتقن عملك....... كن صادق وشجاع
جميعنا يعرف ذلك ولكن القليل من يعمل بها ونقلل من قيمه الشئ البسيط لابد ان يكون معقد ومركب لنقدره (الحياه بسيطه)
.

💧💧💧كل البشر بلا استثناء يمرون بأوقات صعبه وخبرات حزينه ولكنها هبات لتقدم لنا دروس
نحتاجها لنرتفع الى المستوى التالى من الفهم والتطور
فالألم والمعاناه رائعين ومهمين
(لما نتعلم منهم  ونرتقى مش نعيد ونزيد فى الماضى والأفكار السلبيه)
حينما نتعامل مع الالم من هذا المنطلق وايضاً  نعيش بقوانين الله ف الارض سوف يقل حجم المعاناه وينتهى وقتها سريعا فالحياه مواسم لابد لموسم المعاناه ان ينتهى
⚫️أننى هنا لغايه وهذه الغايه هى ان انمو لأصير جبلا لا لنكمش وأصير حبة رمل ⚫️
يتبع......

ذكاء المرأه العاطفى بين المرونه والتدرج فى النجاح

بعض الناس بتحسسنى انها بتتعامل مع العادات
والأهداف كأنها منهج ثانوية عامله يلا  نلمه قبل الامتحان
احنا بشر
دا الإيمان شوف الإيمان
يا مؤمنه يزيد وينقص
طيب مانا بحس بإحباط
الاحباط دا جهل
جهل بطبيعتك كإنسان
فطرته النسيان
طيب يعنى اعمل ايه
سمر قالتلى حاجه حلوه جدا عن حفظ القراءن
لما نرجع نحفظ حتى بعد انقطاع او نسيان
نبدأ من حيث انتهينا
ونراجع ع اللى انا حفظته قبل حتى لو نسيته
يعنى أحطه ف خانه المراجعه مش الحفظ الجديد
دا مهم جدا للاستمرار والانجاز
نفس الفكره ف العادات
لو حد التزم بالرياضة سنه ونص
وانقطع اكتر من سنتين
لظروف كسل او ظروف صحيه
(حاله متطرفه ولكن موجوده )
لما ترجع تمارسى تانى
هترجعى  فقط لما تطلعى من  خانه التأنيب وتقطيم نفسك ع الوقت اللى ضاع
انتى  already
بتضيع ف الوقت وانتى بتفكرى  كدا
خلاص اللى حصل ونكمل
الفاصل هنا تجربتك السابقة
هتساعدك جدا ترجعى وتبدأى أسرع من المبتدأين
لما دماغك تجبلك ملف التأنيب بصوت عالى قولى لنفسك
خلااااص اللى حصل حصل
هحسن النهارده
الحمد لله انى النهارده  فوقت وعملت إنجاز اللى فات مات
كفايه  كلام سلبى مش مفيد
بصوت عالى  اسمعى صوتك
الكلام بسيط  وفعال بس بنقوله للناس ومش بنقوله لنفسنا
طيب ولو وقعت تانى
ابشرى
هتقعى كتير
انتى بشر
بس الحلو ان فترات السقوط بتقل مع كل مره
واللى بيقللها رحمتك بنفسك
وتفكيرك ف النهارده
انهرى  نفسك بصوت مسموع عن أذاها
بالتأنيب  والتخاذل
لا امبارح ف ايدى ولا بكره احسن النهارده
قولى كل الكلام دا لنفسك
ادعى ف سجودك بالتوفيق ف اللى بتسعى ليه
لانه المفروض هيخلق منك صوره افضل
وتقربك لرضا الله
انتى أقوى شخص ممكن يحفزك
دى من مهارات التحكم ف الأفكار والمشاعر
مش معقول مش عارفه تتواصلى مع نفسك
وبتدورى  ع تواصل سليم مع الآخرين
#يمكن_يطرح_ذكاء_عاطفى

ذكاء المرأه العاطفى وأخطار الفضفضه

دى الناس السلبيه بالمناسبه واللى عايشه حياتها دراما عرض مستمر. منفره جدا صحبتها تقيله وجاذبيتها بتروح مع الوقت
سواء مصره تفضفض او بتعيد وتزيد مع نفسها
.....
الفضفضه مش بتريح
ولا انك تهرى فى نفسك وتعيدى وتزيدى فى شريط الأحداث بيريح
اومال اعمل ايه
استثمرى طاقتك فى حاجه مفيده وما أكثرها
(دا جزء من مهارات الذكاء العاطفى بالمناسبه )
الفضفضه  (بمعناها النمطى )
عباره عّن نخوره فى جروحك لَيس الا وعمرها ما هتريحك
....
تكرار شريط الأحداث مع نفسك مش بيعمل حاجه غير انه بيقويها  فى الذاكره ويضعفك لانك بتعرضى مشاعرك وعقلك لنفس التجربه ميت مره فى حين انها حصلت وخلصت ويمكن محدش فاكرها غيرك
....
ما تصديقي تفسيرك وحكمك ع الأمور اوى كدا
 ( خصوصا فى ظل قصور التربيه والضعف النفسى اللى بيعانى منه معظمنا )
ديما حطى احتمال يمكن انا غلط
علشان بس ما تسترسلى فى جلد الذات او لوم الآخرين او التشفى
....
الخلاصه خدى قرار حالا ما تنبشى فى اللى فات لا مع نفسك ولا مع حد لانه محدش تعبان غيرك
بلاش مكالمات الفون اللى بنجيب فيها التاريخ الأسود لجروح الماضى  سواء مع اخت ام صديقه. اتكلمى فى حجات حلوه شجعوا بعض على عادات جديده واللى مش بتعرف تعمل دا احمى نفسك منها وقللى كلام مش لازم قطع علاقه استغلى عمرك ووقتك فى أشياء جميله وهتحسن حياتك من اول غسيل المواعين  او تلعبى مع الاولاد وتحضنيهم  او تقرى  حاجه مفيده  لروحك زى القراءن او لعقلك وحياتك ونجاحها
ودا رابط بالمدونه عن ماذا تقرأ المرأه لبدايه رحله الوعى
https://nano5690.blogspot.com/2019/08/blog-post_38.html
#يمكن_يطرح_ذكاء_عاطفى
صباح الخير
/

ذكاء المرأه العاطفى متى يحب عليك الشك فى موقفك

زى ما بيتقال اتعلَّم تقول لا
اتعلمى ما تدى نصيحه
اتعلمى تسمعى وبس من غير حكم ولا توجيه
اتعلمى تتناقشى وتتقبلى اختلاف وجهات النظر
مش لازم خالص تتهكمى ولا تستظرفى  طالما مش هتقدمى حل او كلمه طيبه
اتعلمى تتحكمى فى مشاعرك وكلماتك بدل جلد الاخر بحجة النصيحه او انك معصومه
عدم فعل الكثير من الأشياء افضل بكثير من المبادرات
السخيفه
او تقمص دور الحمقاء
تعاطف
التزام حدك
مش يمكن تطلعى انتى غلط
#يمكن_يطرح_ذكاء_عاطفى
لو حبيتى نشرح الموضوع دا باستفاضة وأمثله قوليلى ف التعليقات 

ذكاء المرأه العاطفى والدعاء

لو. هندعى دعاء
  اللهم اكتب  لى الخير ثم ارضنى به
الرضا لما ربنا. بيكرمنا بيه بنصبر على النقص على الفقد
بنشوف الحلو والنعم  حوالينا  زى ما احنا شايفين  النقص  وحاسينه
ايه علاقة دا بحسن الظن
انا بشوفه ع خد تقديرى  سؤال الرضا والإلحاح عليه من حسن الظن بالله
فى اوضاع ومواقف بتكون كبيره وصعب ملهاش حل جذرى يريح
هى حلها فى القلب ف التقبل فى انى ما أوقف حياتى عندها
اهى موجوده  شى سئ جنبه أشياء كتير حلوه
شايفه الصوره كامله
وعارفه اتنفس ما كاتمه أنفاسى وحياتى  كلها تحت  المشكله الكبيره
صباحكم تعاطف
#يمكن_يطرح_ذكاء_عاطفى

كيف تكتسبى ذكاء عاطفى

كم اكره  جهل المرأه
وابغض اكثر ما ابغض إلباس نفسها ثوب الجهل والعمى
جميع النساء تضعف وذوات قلب هش رقيق
ولكن للأنثى كبرياء
أين كبريائك يا إمرأه!!
وحين تتحدث عن الكبرياء. يحل الغباء عليها
لا تدرى اضعف فيها  ام جهل
حيث يتحول سلوكها للعدوان وتقليل الاحترام
وتدمير نفسها والعلاقات  
قد يكونوا ظلموكى حقا
لا بأس عند الله تجتمع الخصوم
وأما عن ظلم نفسك بالجهل والنكد والضعف  والكسل !!!!!!!!!!!!!!!؟.
🧩🧩🧩🧩🧩🧩🧩🧩🧩🧩🧩🧩🧩🧩
كتير بنسمع عن اللى نجحت تكتسب  عاده جديده
او تحصل ع شهاده ما او تتقن لغه
اكاد اجزم ان النقطه المشتركه بينهم
ان كل حد حقق نجاحه  بطريقته  الخاصه محدش. مشى ع خطوات حد ولا حد عرف يديله سر الخلطه يمكن ألهمه بفكره مش اكتر
النجاح  مش هيتحقق بسهوله
ومش هيتحقق غير بتجربك الخاصه وبفشلك قبل نجاحك
ما تخافيش
ما تخافيش
ثقى ف قدراتك
اقعى وقومى براحتك بس ما تبطلى محاوله
ابدأ ى بالأسهل
قوى عضلة الاراده  وعضلة الثقه بالنفس بتحدياتك الصغيره
نحسن علاقتنا بنفسنا الاول وبعدين ندور على الآخرين
#يمكن_يطرح_ذكاء_عاطفى